Кан басымы югары булуның күзгә нинди зыяны бар?
Кан басымы югары күтәрелгәч, баш миенә кан күп килә.
Табиб һәм телевидение алып баручысы Александр Мясников «Россия 1» телеканалы эфирында кан басымы югары булу күз күреме бозылуга китерүен әйткән. Бу турыда РИА Новости хәбәр итте.
Табиб сүзләренчә, гипертония — кан тамырлары авыруы ул. Кан басымы югары булганда баш миенә кан күп килә, бу исә күз күременә тискәре йогынты ясый.
«Бу авыруның мишеньнәре — йөрәк, бөерләр һәм, әлбәттә, күзләр», — ди Мясников.
Диагноз кую өчен күзнең төбен тикшерергә кирәк, Биредә кан тамырлары спазмы булуы ихтимал, диелә хәбәрдә.
