Камыр эчендә чәчәкле кәбестә рецептын тәкъдим итәбез. Матур булсын өчен чәчәкле кәбестәне бертигез кисәкләргә бүләргә.
Кайнап чыккан тозлы суга кәбестә кисәкләрен салырга һәм уртача утта 5 минут тирәсе пешерергә, аннары дуршлагка салырга һәм суынганын көтәргә.
Шул арада камыр (кляр) әзерләргә. Моның өчен, йомырка, он, тоз, борыч салып яхшылап болгатырга. Камыр шактый куе булырга тиеш. Һәр кәбестә кисәген камырга манырга һәм табада үсемлек маенда кыздырырга.
Әзер кәбестәләрне кәгазь сөлгегә салырга, артык майлары шунда сеңә. Табынга сарымсаклы соус белән бирергә мөмкин.
Фото: © Гөлүзә Василова