Камилә Вәлиеваның Европа чемпионы титулын рәсми рәвештә кире алдылар, алтын медальне Анна Щербаковага бирәләр. Бу турыда РИА Новости яза.
«Тимераякта шуучылар халыкара союзы» (ISU) 2022 елгы Европа чемпионаты бүләкләре буенча карарын игълан итте, диелә хәбәрдә.
Шулай итеп 2022 елда Таллинда узган Европа чемпионатының рәсми нәтиҗәләре түбәндәгечә билгеләнә:
1 урын – Анна Щербакова (Россия)
2 урын – Александра Трусова (Россия)
3 урын – Луна Хендрикс (Бельгия)
- Суд Камилә Вәлиевадан 2,3 миллион түләттерү турында карар чыгарды, дип язган идек.
