Фигуралы шуучы Камилә Вәлиева «Мәскәү-Татарстан күпере» форумында чыгыш ясады. Ул Казанда тууы, татар булуы белән горурлануын әйтте. Форум узган якшәмбедә Мәскәүдә узды.
«Кызганыч, мин бүген сезнең белән була алмыйм, бик теләгән идем. «Мәскәү-Татарстан күпере» дигән матур форумда әле очрашырбыз дип өметләнәм. Мин бит Казанда тудым, татар булуым белән горурланам.
Дуслар, мине хуплаганыгыз өчен рәхмәт. Мин моны сизеп торам.
Һәрберегезгә уңышлы эшләр, бәхет һәм теләкләрегезнең чынга ашуын телим», – ди Камилә. Бу турыда «Матч ТВ» хәбәр итте.