Фигуралы шуу остасы Камилә Вәлиева спортка кайтуын хәбәр итте.
«Дуслар, минем яңалыгым бар – мин зур бозга кайтам», – дип язды ул телеграм-каналында.
Ул инде кайларда чыгыш ясаячагын да хәбәр итә.
«Әлбәттә, бик дулкынланам, әмма сикерүләр буенча Россия чемпионатында яңадан ярыш дәртен сизүне тагын да ныграк көтәм. Ә яңа программаларымның берсен беренче тапкыр Беренче канал Кубогында күрсәтәчәкмен – минем өчен бу үзенчәлекле бәйрәм булачак», – дип яза ул.
