Камчаткада аю ике яшүсмергә ташланып, берсен үтергән
Камчатка краеның Мильковский районында аю ике яшүсмергә ташланган. Нәтиҗәдә, зыян күрүчеләрнең берсе һәлак булган. Аюны исә аучылар атып үтергән, дип яза ТАСС.
"Дүшәмбе көнне Лазо авылыннан ерак түгел аю 13 һәм 15 яшьлек яшүсмерләргә ташланган. Алар судан кайтып бара торган булган. Малайларның кечерәге качып котылган һәм килеп чыккан хәл турында якындагы өйдә яшәүчеләргә җиткергән. Өлкәнрәге исә һәлак булган", - диелә хәбәрдә. Җанварны аучылар атып үтергән.
Мильковский районы Камчатка ярымутравының көньяк өлешендә урнашкан. Анда 10 меңгә якын кеше яши.
