Камал театрының социаль челтәрдәге сәхифәсендә шатлыклы яңалык белән уртаклашалар. Татарстанның атказанган артисты Эмиль Талипов белән тормыш иптәше Илсөярнең уллары туган. Талиповлар икенче тапкыр әти-әни булды. Илсөяр белән Эмиль кыз тәрбияләп үстерәләр, хәзер исә малайлы да булдылар.
«Аларны чын күңелдән котлыйбыз! Улыгызның әтисе кебек акыллы, талантлы булып үсүен телибез! Гаиләгезгә сәламәтлек, бәхет, иминлек, балаларыгызны тәрбияләүдә сабырлык, бары тик рәхәт мәшәкатьләр, куаныч-сөенечләр!» – дип тәбрик иткән Талиповларны театр коллективы.
Без дә әлеге матур теләкләргә кушылабыз!