«Бик шатбыз, Артур, синең өчен» – Камал театры артисты Артур Шәйдуллинның куанычы бар

Камал театры артисты Артур Шәйдуллинга, театр сәнгате үсешенә керткән өлеше өчен, «Татарстанның атказанган артисты» дигән мактаулы исем бирелгән. Бу хактагы указга Татарстан Рәисе Рөстәм Миңнеханов кул куйган.

«Артурны чын күңелдән котлыйбыз, горурланабыз һәм иҗади уңышлар телибез», – дип язалар театрның социаль челтәрдәге сәхифәсендә хезмәттәшләрен мактаулы исеме белән котлап.

«Котлыйбыз, Артур! Сәламәтлек, озын гомерләр телим. Куйган максатларыңа иреш, елмай, алга бар»;

«Бик шатбыз, Артур, синең өчен! Бик лаеклы син бу исемгә. Рольләреңне карап барам, гаҗәеп артист. Бик яратам. Иҗаты гомерле, бәхетле булсын», – дип язганнар һәм тагын да уңышлырак яңа рольләр теләгәннәр артистка тамашачысы да.