Татарстанның Кама Аланы бистәсендә 58 яшьлек ир-атка карата «үтерү» маддәсе буенча җинаять эше ачылган. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий «Татар-информ»га хәбәр итте.
Фаҗига 24 октябрьдә кич белән бер фатирда була. Тикшерү ачыклаганча, ир-ат 54 яшьлек хатынын гантель белән кыйный, аннары пычак белән күкрәгенә кадый. Хатын урында ук үлә. Аннары ир үз-үзенә кул салмакчы була.
Якынча белешмә буенча, әлеге фаҗига ир белән хатынның бер-берсенә карата начар мөнәсәбәте аркасында килеп чыга.
Ир-ат гаебен таный. Тикшерү эшләре бара, диелә хәбәрдә.