Тимергали хәзрәт Юлдашев телеграм-каналында бөтен тәннең сәламәтлеге һәм йөрәк арасында бәйлелек турында аңлата.
«Пәйгамбәребез салләллаһу галәйһи вә сәлләм: «Белеп торыгыз, дөреслектә, тәндә бер ит кисәге бар, ул сәламәт булса – бөтен тән сәламәт була, ул авырса – бөтен тән авырый. Ул ит кисәге – йөрәк», – дигән (имам Әл-Бохари).
Расүлуллаһ калебебез сәламәтлеге өчен әлеге доганы укырга кушкан:
يَا مُقَلِّبَ القُلُوبِ ثَبِّتْ قَلْبِي عَلَى دِينِكَ
Укылышы:
«Йәә мүккаллибәл-кулүүби сәббит кальбии галәә дииникә».* сәббит сүзендә «с» хәрефе сакау итеп укыла.
Мәгънәсе: «Йә, калебләрнең халәтен үзгәртүче Аллаһым! Калебемне динең белән нык кыл».
Һәркемгә дә бәрәкәтле, игелекле көннәр, эш атналары телим!» – дип яза хәзрәт.