«Какырып төкерде»: Әлмәттә студент практика вакытында итне төкереге белән болгаткан

Әлмәт сәүдә-икътисад техникумы студенты практика вакытында әзерләгән ризыгына төкергән. Мессенджерларда шундый видео чыкты.

Видеода 16 яшьлек егет туралган иткә төкерә, аннары шуны болгата башлый. Бу күренешне бер кыз видеога төшереп тора. Икенче бер студент кыз моңа ышанмыйча сорау бирә:

Нишләде ул?

Какырып төкерде, – дип җавап бирә телефонга төшереп торган кыз.

Телеграм-канал язуынча, студентлар әйтүенчә, яшьләр бу хәлгә директорга зарланган, әмма ул бернинди дә гамәл кылмаган.

Директор студентның «рецепты» турында бүген генә социаль челтәрләрдән белгәнен әйткән. Көн саен ашханәгә үзе дә йөрүен, ашаудан зарланмавын сөйләгән. Хатын-кыз, егет үзе белән берәр нәрсә эшләмәсен өчен, артык сүз әйтергә курка, дип язалар.