Каклаган үрдәк итеннән салат рецепты

Салат өчен: ысланган үрдәк ите, моцарелла сыры, эрбет чикләвеге, салат яфраклары, руккола, анар соусы, зәйтүн мае, бер чеметем тоз һәм шикәр комы, бизәү өчен - бакча җиләге.

Үрдәкнең түш итен юка итеп турарга, чикләвекне бераз кыздырып "уятып" алырга, салат яфракларын кул белән берничә кисәккә бүләргә.

Тәлинкәгә беренче итеп яшеллек салырга, аннары сыр, үрдәк ите, тәмләткечләр, эрбет чикләвеге һәм өстенә соус салырга.