Журналист, иҗат өлкәсендә алты ел пауза ясап торганнан соң, мәҗлесләр, тантаналар концертлар эшчәнлегенә яңа көчләр белән янәдән кайтуын ВКонтакте сәхифәсендә хәбәр иткән.
«Кайтам!
Иҗат, шау-шулы мәҗлес, концертлар белән бәйле эшчәнлектән читләшкәнгә алты ел узган...
Ара-тирә генә бу эшләргә алынсам да, элеккеге активлык юк иде. Әлбәттә, әлеге еллар эчендә тулы бер алып баручылар армиясе үсеп, эшли башлады. Ис-акылың китмәле талантлы егет-кызлар. Афәрин. Яшьләрнең бәйрәмен яшьләр бизәргә тиештер дә. Әмма безнең тормыш бит әле никах, кызыл туйлардан гына тормый.
Соңгы арада бәйрәмнәр алып бару буенча минем кандидатура белән кызыксынучылар ешайды. Ярты ел элек хәзер эшләмим инде, дип баш тарткан булсам, бүген үземдә мәҗлес, тантаналар алып барырлык көч тә тоям, иң мөһиме – теләк тә бар. Ә еллар дәвамында җыйган тәҗрибә җиңел генә эшләргә нигез ул.
Кыскасы, кайтам! Мәҗлес, тантаналар оештыру, уздыру эшенә 2016 елгы бәяләр белән кайтам.
Шылтыратыгыз! 89600505929!» – дип игълан иткән ул.
«Күптән кирәк иде, Илнур!» – дип хуплаганнар аны социаль челтәрдәге дуслары.
