Җырчы Римма Никитина «Интертат»ка «Корстон» күңел ачу үзәгендәге концертының бик уңышлы узуы турында хәбәр итте. Хәтта Римманың концертына эләгергә теләүчеләрдән озы-ы-ын чират тезелгән.
«Казандагы концертымны дулкынланып көтеп торган идем. Ләкин ул гөрләп үтеп китте. Шулхәтле күп халык килде. Бик канәгать калдым», – дип сөйләде ул.
Шулай ук биредә җырчы үзенең русча «Даже не думай» җырына төшерелгән клибын тәкъдим иткән. Сүз уңаеннан, әлеге клипта дзюдо буенча спорт мастеры Руслан Гафиятуллин һәи журналист Рәсим Хаҗиев төшкән. Руслан – төп геройны, ә Рәсим легаль булмаган сугышлар оештыручы босс ролен уйнаган.