Зур суммада наличка акча алган өчен банк картасын блокировкалаулары ихтимал. Бу турыда Кибериминлек һәм цифрлы технологияләр институтының «Информацион иминлекнең интеллектуаль системалары» кафедрасы җитәкчесе Шамил Могамедовка сылтама белән «РЕН ТВ хәбәр итте.
Эксперт сүзләренчә, банк системаларында шикле акча күчерүләрне ясалма интеллект тикшерүе ешайды. Ул транзакцияләрне меңләгән параметр буенча анализлый.
«Ясалма интеллектта шик тудыру өчен җитди сәбәп – банк картасыннан даими рәвештә зур суммалар алу, аеруча акча картага әле яңа гына килгән булса», – ди Магомедов.
Шулай ук ясалма интеллект конкрет клиент өчен типик булмаган транзакцияне дә туктатырга мөмкин. Ул математик модельләр ярдәмендә, меңнәрчә факторны исәпкә алып эш итә.
Магомедов сүзләренчә, ясалма интеллект «назначение платежа» дигән графада язылган сәбәпне бөтенләй карамый. Моны салым хезмәте тикшерә, диелә хәбәрдә.