Гыйракның Мосул шәһәрендә туй вакытында зур янгын чыккан, ким дигәндә 120 кеше янып үлгән, 200 кеше пешкән, дип хәбәр итә Al Jazeera каналы, Гыйракның гражданнар оборонасына сылтама белән. Шул ук вакытта башка мәгълүмат чаралары, барлык каза күрүчеләр саны – 450 тирәсе, дип хәбәр итә.
Янгын ябык бинада фейерверк куллану сәбәпле чыккан, дип фаразлана. Туй азагына якынлашканда, кунакларга сюрприз ясамакчы булалар. Залның стеналары тиз янып китә торган арзанлы пластик панельләрдән булган, бу – куркынычсызлык кагыйдәләрен тупас рәвештә бозу. Янгын бик тиз таралган, һәм бинаның бер өлеше ишелеп төшкән.
Премьер-министр Мөхәммәд Шиа Әс-Судани каза күрүчеләргә ярдәм күрсәтергә кушкан.
