Татарстанның Кайбыч районы Чутай авылында мобилизацияләнеп, Украинадагы махсус операциядә һәлак булган Дамир Минсәлимов белән хушлаштылар. Бу хакта «Кайбыч таңнары» басмасы хәбәр итә.
Фото: © http://kaibicy.ru/
Матәм митингында ТР җир һәм мөлкәт мөнәсәбәтләре министры Фәнил Әгълиуллин, район башлыгы Альберт Рәхмәтуллин, аның урынбасары Рәмис Хәялиев, Яшел Үзән районы хәрби комиссары Илшат Паймурзин, Апас һәм Кайбыч районнары хәрби комиссары урынбасары Илсур Гатиятуллин, Чутай авылы җирлеге башлыгы Петр Тараканов, башка авыл башлыклары, мәрхүмнең гаиләсе, туганнары, авылдашлары катнашкан. Дамирны соңгы юлга озатырга үзе эшләгән «Оргсинтез» заводы хезмәткәрләре дә кайткан.
Фото: © http://kaibicy.ru/
Хушлашу мәрасимендә катнашучылар Дамир Минсәлимовны искә алып, аның әнисе Рамилә ханым, тормыш иптәше Румилә, балалары һәм туганнарына кайгы уртаклашу сүзләрен җиткерделәр, дип хәбәр итә район басмасы.
Фото: © http://kaibicy.ru/
Фото: © http://kaibicy.ru/
Дамир Минсәлимов Яшел Үзән хәрби комиссариатыннан 2022 елның 27 сентябрендә мобилизацияләнгән. 2023 елның 28 февралендә Луганск һәм Донецк өлкәләрендә хәрби бурычын үтәгәндә һәлак булган.
Дамир Минсәлимовны туган авылы Чутай зиратына җирләгәннәр.
Фото: © http://kaibicy.ru/
Фото: © http://kaibicy.ru/
Фото: © http://kaibicy.ru/
Фото: © http://kaibicy.ru/
Фото: © http://kaibicy.ru/