Руслан Кираметдинов тамашачысына «Кадеремне белдең микән?» дип аталган яңа җырын тәкъдим итте. Аны барлык музыкаль мәйданнарда тыңларга була.
Җырның авторлары: сүзләре – Роберт Миңнуллин, көе – Айдар Тимербаев.
Роберт Миңнуллинның шигырендә «кадереңне белдем микән» булса да, җырда ул бераз үзгәртелгән.
«Кадеремне белдең микән,
Әллә белмәдең микән?
Алтыннарга күмдем микән,
Әллә күммәдем микән?
Төрлесе булгандыр, күңел
Шуңа туладыр инде.
Күрәсең, сөю-сәгадәт
Шундый буладыр инде...»
