Владимир Путин Кырым башлыгын мотоциклга утыртып йөрткән - видео

Владимир Путин Кырым башлыгын мотоциклга утыртып йөрткән - видео
Россия Президенты Владимир Путин узган шимбәдә Севастополь шәһәрендә узган "Тень Вавилона" халыкара байк-шоу тамашасында катнашкан. "Вести" каналы бу урыннан кадрларны күрсәтте. 

 

Владимир Путин "Урал" мотоциклына утырып килгән. Коляскалы мотоциклга Россия флагын беркеткәннәр. Арбада Кырым башлыгы Сергей Аксенов утыра, Севастополь башлыгы вазифасын башкаручы Михаил Развожаев Путин артына утырган. 
 

Байкерлар слетын "Ночные волки" мотоклубы оештырган. Аны Александр "Хирург" Залдостанов җитәкли, дип хәбәр итте ТАСС агентлыгы.

"Ночные волки" клубы тамашасы патриотизмга зур игътибар бирә. Сценарий да хәрби җиңүләргә багышлана, диелә бу хәбәрдә. 

 
"Тень Вавилона" шоу-тамашасында Юрий Розум, Григорий Лепс, хәрби оркестрлар һәм ансамбльләр, "Пилот" һәм "Кипелов" төркемнәре чыгыш ясый.