Россиядә яңа туган балага коронавирус хөрмәтенә исем кушканнар
«Бу сиңа Ваня, Саня, Толя яки Коля түгел инде», — ди малайның әтисе.
Новокузнецк шәһәрендә яшәүче ир белән хатын яңа туган балаларына коронавирус COVID-19 хөрмәтенә Ковид дип исем кушкан. Бу турыда «Известия» хәбәр итте.
Моңарчы андый исем беркемдә дә булмаганга күрә, әти белән әни баласына шундый яңа исем кушарга була. Алар Ковид исеме бик оригиналь яңгырый һәм көчле энергетикалы дип саный. «Вирус бөтен дөньяны яулап алды бит», — ди алар.
«Исем бик яңгырашлы, өстәвенә оригиналь дә. Бу сиңа Ваня, Саня, Толя яки Коля түгел инде. Беркем белән дә буталмый», — ди малайның әтисе.
Әти-әнисе бу исем балага уңыш китерер дип ышана.