Ике чиләк бәрәңге урлаган өчен төрмәгә ябу турындагы сүзне Путин арттыру дип атаган

Ике чиләк бәрәңге урлаган өчен төрмәгә ябу турындагы сүзне Путин арттыру дип атаган
Россия Президенты Владимир Путин ике чиләк бәрәңге урлаган өчен иректән мәхрүм итү турындагы сүзне арттыру дип атады. 

Көнчыгыш икътисади форумында президентның җәмәгатьчелек белән очрашуында булган "Арбат" концерны директорлар советы башлыгы Александр Басанский табигый казылмаларны үзләштерүчеләргә карата җәзаны кырысландыру турында сүз кузгатты. Ул, аерым алганда, алтын казылмаларын законсыз үзләштергән өчен штрафларның түбән булуын әйтте. 

"Мисал китерәм: бәлки, сезгә бу хакта әйтмиләрдер: әгәр кеше ике чиләк бәрәңге урласа, аңа өч елдан алып биш елга кадәр төрмә яный", - дигән ул. 

"Бу гипербола, арттыру", - дигән Путин. 

Басанский образлы фикер белдерүе турында әйткән. "Алайса аңлатыгыз", - дип киңәш биргән президент.

Ассоциация башлыгы мисал китергән: мәсәлән, ике миллион сумнан ким бәялек алтын үзләштергән "кара" казучыга штраф нибары биш мең сум. "Дисбалансны аңлыйсыз инде - 1,999 миллион сумлык алтын урлаган, бер сум гына җитми, ә штрафы нибары биш мең", - дип аңлаткан Басанский.