Кабактан мантый
"Вконтакте" социаль челтәрендәге "Татар ашлары" төркеменнән Кабактан мантый рецептын тәкъдим итәбез.
Ингредиентлар: 600 грамм ит, 500-600 грамм кабак, 500 грамм суган, 400 грамм он, йомырка, 2 аш кашыгы үсемлек мае, 200-250 мл су, тәменчә тоз, борыч.
Салкынча суга йомырка, тоз, үсемлек мае, он салып, камыр басарга.
Камыр “ял” иткән арада ит турарга. Суганны әрчеп, кабакны чистартып, шакмаклап турарга. Барысын бергә савытка салып, тәменчә тоз, борыч өстәп болгатырга.
Камырны җәеп, шакмаклап яки түгәрәкләп кисәргә. Мантыларны ясап, 45 минут чамасы парда пешерергә.