Кабак согы
Әлмәт районында яшәүче дүрт бала әнисе Рәдифә Ногмановадан кабак согы рецептын тәкъдим итәбез.
Кабакны чистартып кисәкләргә турарга, кәстрүлгә өсте күмелгәнче су салып пешерергә куярга.
Тәменчә шикәр комы һәм башка тәмләткечләр өстәргә була. 15-20 минут пешергәч блендер белән вакларга яки эре тишекле иләктән сөзәргә.
Куе булса бераз су өстәргә, 3 литрга калак очы белән лимон кислотасы салып, 10- 15 минут кайнатасын да, стерильләштерелгән банкаларга салырга. Вакларын 15, 2- 3 литрлыларын 20-30 минут сулы кәстрүлгә утыртып стерильләштерергә. Капкачларын борып, өстен одеял белән каплап суытырга.
