Кабактан бик күп төрле ризыклар пешереп, согын да ясап була. Бик җиңел генә рецепт тәкъдим итим әле.
Ингредиентлар: кабак, үсемлек мае, сарымсак, тоз, кызыл, кара борыч (сез яраткан тәмләткечләр).
Кабакны эре шакмак итеп турарга, табага үсемлек мае салырга һәм кыздырып алырга, өстенә сарымсак сытарга, тәмләткечләр салырга, яхшылап болгатырга да, капкачын ябып, 10 минут пешереп алырга.
Әзер кабакны тәлинкәгә салгач, өстенә төрле орлыклар сибәргә була, мин ак һәм кара көнҗет орлыгы сиптем.
Кабак яратучылар өчен тәмле булачак.
