Күршеләренең фатирына су агызган хатын-кызның үле гәүдәсенә тап булганнар
Әлеге хәл Чаллы шәһәренең "ГЭС" бистәсендә килеп чыккан, дип яза "Челнинские известия".
"ГЭС" бистәсенең 10 нчы комплексына коткаручыларны төн якынлашканда чакырганнар. Йортта яшәүчеләр аларның фатирына өстә яшәүче күршеләреннән су агуын хәбәр иткән. Ишеккә шакып та, аны ачучы булмагач, Гадәттән тыш хәлләр министрлыгы хезмәткәрләре ишекне каерып ачарга мәҗбүр булган.
Ишекне ачканнан соң алар фатирда олы яшьтәге хатын-кызның мәетенә тап булган. Әлегә аның үлеменең сәбәпләре ачыклана, диелә хәбәрдә.