Күрше төбәктә юл һәлакәтендә өч кеше үлгән, дүрт кеше имгәнгән
Исән калган кешеләр җитди яраланган.
Киров өлкәсенең Юрьянский районында «Вятка» юлының 396нчы километрында коточкыч авария була. Биредә өч кеше үлә, тагын дүрт кеше имгәнә. Бу турыда биредәге матбугат чаралары хәбәр итте.
19 декабрьдә кичке алтылар тирәсендә «Ниссан Жук» һәм «Лада Гранта» машиналары бәрелешә. Бу вакытта ике машинада барлыгы җиде кеше була.
ЮХИДИ белешмәсе буенча, исән калган кешеләр дә җитди имгәнгән.
Бәрелешкән машиналар аркасында, трассада хәрәкәт тукталып торган. Бары тик берничә сәгать узгач кына, хәрәкәт җайланган, диелә бу хәбәрдә.