Күрше төбәктә яшәүче хатын яңа туган баласын салкын мунчада калдырган
Сабый өшеп үлгән.
Удмуртиянең Иргинский районында яшәүче хатынны яңа туган баласын үтерүдә гаеплиләр. Бу турыда Удмуртия прокуратурасының матбугат хезмәте хәбәр итте.
Быел гыйнвар аенда бу хатын сау-сәламәт бала тудыра. Хатын хастаханәгә бармый, ул баласын мунчада таба. Аннары сабыйны кофтага төрә һәм мич белән стена арасына яшереп куя.
«Бераздан бала салкында туңып үлә», диелә хәбәрдә.
Тикшерүчеләр ачыклаганча, сабый вакытында, җитлегеп туган, ул яшәргә сәләтле булган, тумыштан килгән гариплекләре дә үсешендә җитешсезлекләре дә булмый.
Хәзер бу хатынга карата җинаять эшен судка җибәргәннәр.
