Күрше төбәктә машиналардан гигант Яңа ел чыршысы ясаганнар - видео
44 машинаны чыршы рәвешендә тезеп, утларын кабызганнар.
Башкортстанның Белорет шәһәрендә машина йөртүчеләр гаҗәеп зур Яңа ел чыршысы төзегән. Бу кадрларны «Башкортстан» телеканалы күрсәтте.
Акциядә 44 машина катнашкан. Алар автомобильләрне чыршы барлыкка килерлек итеп тезеп куйган.
Аннары машиналарның утларын һәм авария сигналларын кабызганнар.
Социаль челтәр кулланучылары акцияне ошаткан, диелә бу хәбәрдә.