Күрше төбәктә мәктәп янып беткән

Киров өлкәсе Малмыж районында Плотбище бистәсендә ике катлы мәктәп бинасы янган. Бу турыда җирле матбугат чаралары хәбәр итте.

1935 елда төзелгән мәктәп тулысынча янып беткән. Зыян күрүчеләр юк.

Киров өлкәсе хөкүмәте балалар өчен яңа бина биргән. Укулар дәвам итә, дип хәбәр иткән Киров өлкәсе буенча Гадәттән тыш хәлләр министрлыгы матбугат хезмәте.