Күрше төбәктә хатын-кызларга һөҗүм итүче маньяк барлыкка килгән
Тольятти шәһәрендә хатын-кызларга пычак белән ташланучы ир-атны эзлиләр.
Җинаятьчене полиция эзли, дип хәбәр ителә эчке эшләр министрлыгының Самара өлкәсе буенча идарәсендә.
29, 30 ноябрь көннәрендә шәһәрдә ике һөҗүм булган. Хатын-кызларга ташланган ир-ат качып өлгергән, әмма аны камералар төшереп алган. Карап торышка, ир-атка 30 яшь чамасы, буе 165-170 см, ябык гәүдәле, гәрчич төсендәге куртка кигән.
Икенче һөҗүм 20 яшьлек кызга карата кылынган. Җинаятьче аның күкрәгенә һәм эченә пычак кадаган, кыз хәзер реанимациядә.
Полиция корбаннарның күбрәк булырга мөмкин булуын искәртә, чөнки 1 декабрь көнне хастаханәгә 46 яшьлек бер хатын-кызны китергәннәр, аның тәнендә пычактан тирән яралар бар, диелә хәбәрдә.