Күрше төбәктә авариядә ике полиция хезмәткәре һәлак булган
Өч машина бәрелешкәч, өч кеше урында ук үлгән.
Киров өлкәсендә Киров-Чепецк районында юл һәлакәте булган. Киров-Советск-Яранск юлының 26нчы километрында өч машина бәрелешкән. Биредә өч кеше үлгән, аларның икесе — полиция хезмәткәрләре. Бу турыда РИА Новости хәбәр итте.
Биредә Hyundai Elantra, Chevrolet Niva һәм Lada Granta машиналары 15.20 сәгатьтә бәрелешә. Lada Granta машинасын йөртүче һәм аның пассажиры, Hyundai Elantra машинасын йөртүче үлә. Lada Granta пассажиры имгәнә.
Төбәк прокуратурасы әлеге вакыйганың сәбәпләре ачыклануын хәбәр иткән.
