Күрше төбәктә авариядә Ford машинасыннан очып чыккан үсмер баланы Lexus таптаган
Мордовиядә биш машина берьюлы бәрелешкән.
Мордовиянең Краснослободский районында берьюлы биш машина бәрелешкән. Авария вакытында 16 яшьлек кыз бала һәлак булган. Бу турыда ЮХИДИ белешмәсенә сылтама белән «Вести» каналы хәбәр итте.
Авария 5 мартта кич белән М-5 «Урал» трассасында Саранск шәһәре тирәсендә була.
Бәрелешүдән соң, 16 яшьлек кыз Ford машинасыннан очып чыга һәм Lexus тәгәрмәче астында кала.
Башка имгәнүчеләр турында әлегә белешмә юк, диелә хәбәрдә.
