Күрше төбәктә авариядә машина йөртүче хатын белән салондагы бала һәлак булган
Киров өлкәсендә Volkswagen һәм «Лада Ларгус» бәрелешкән.
23 гыйнварда иртә белән Киров өлкәсендә «Вятка» федераль трассасында авария була. Орлов районындагы Казаковцев авылы янында Volkswagen һәм «Лада Ларгус» машиналары бәрелешә. Бу турыда «Вести» каналы хәбәр итте.
ЮХИДИ фотоларыннан күренгәнчә, машиналар җитди җимерелгән. Volkswagen машинасының багажнигы, «Лада Ларгус»ның капоты изелеп беткән.
Авариядә Volkswagen машинасын йөртүче хатын-кыз, салондагы дүрт яшьлек пассажир кыз бала һәлак булган. «Лада Ларгус» йөртүчесе дә имгәнгән.