Күрше төбәктә 13 яшьлек бала югалган

Россия Эчке эшләр министрлыгының «Можгинский» бүлекчәсе 2005 елда туган Кушаев Степанны эзли. Бала өеннән чыгып киткән һәм югалган. Бу турыда Удмуртия буенча Эчке эшләр министрлыгы матбугат хезмәте хәбәр итте.

Түбән Вишур авылының Мәктәп урамындагы йортта яшәүче бала 15 февральдә кичке тугыз тирәсендә чыгып киткәннән бирле, әлегә кадәр әйләнеп кайтмаган.

Малай башына бәйләнгән шапка кигән, караңгы-зәңгәр төсле капюшонлы курткадан һәм караңгы-соры төсле спорт чалбарыннан, кара төсле кышкы кроссовкидан булган.

Җинаятьчеләрне эзләү һәм балигъ булмаган балалар эшләре буенча бүлек хезмәткәрләре оператив-эзләү чараларын башкара, диелгән әлеге хәбәрдә.

Югалган бала турында мәгълүматы булган һәркемне 8 (34139) 3-15-11, 3-15-31 телефоннарына шалтыратырга сорыйлар.