Күрше төбәкне кар баса

Башкортстанда көчле буран чыккан. Уфа-Белорет трассасында хәрәкәт кыенлашкан. Бу турыда республиканың баш дәүләт автоинспекторы Динар Гыйльметдинов блогына сылтама белән җирле матбугат чаралары хәбәр итә.

Трассаның халык телендә «Тещин язык» дип атала торган урынында зур бөке хасил булган. Биредә кырыклап зур йөк машинасы туктап калган.

«Җиңел машиналар өчен хәрәкәт оештырылган. Хәзерге вакытта әлеге проблеманы чишү чаралары башкарыла», — дигән баш автоинспектор.

Якындагы ике көндә Башкортстанда юеш кар, яңгыр фаразлана.