Күрше өлкәдә коточкыч авария: ике кеше һәлак, дүрт кеше, шул исәптән ике бала имгәнгән
30 апрельдә Киров өлкәсендә коточкыч юл һәлакәте булган.
Киров–Советск–Яранск юлында "ВАЗ2115"» һәм Nissan Qashqai бәрелешкән. Кировка таба бара торган иномарка йөртүчесе каршы як полосага чыккан һәм "ВАЗ2115" машинасына бәрелгән.
Киров порталы хәбәр иткәнчә, "ВАЗ-2115" һәм Nissan иномаркасында утырган пассажирлар - ике кеше һәлак булган. Ике машинаны йөртүче дә, шулай ук иномарканың пассажирлары - яшьярымлык һәм тугыз яшьлек кыз балалар имгәнгән. Аларны хастаханәгә озатканнар.
Бу авария буенча тикшерү эшләре бара.