Көрәшче Искәндәр Мортазин өйләнгән
Көрәш буенча дөнья чемпионы Искәндәр Мортазин сөйгәне Рузилә белән рәсми рәвештә теркәлгәннәр.
Көрәшче Искәндәр Мортазин үзенең инстаграм битендә сөйгәне Рузилә белән өйләнешүләре турында хәбәр итеп, видео урнаштырган. «25.06.21» дип язган көрәшче һәм тормыш иптәшенең аккаунтын билгеләгән. Видеодан күренгәнчә, яшь пар ЗАГСта балдаклар белән алмаша.
Искәндәрнең инстадуслары парны котларга ашыккан. «Котлыйбыз», «Бәхетле булыгыз!», «Кызыл туегыз белән», «Молодцы, мәхәббәттә яшәгез, бер-берегезне хөрмәт итегез!», «Котлыйбыз, братан!» — дип язганнар Искәндәрнең инстадуслары.
Рузиләнең инстаграм бите дә матур-матур котлаулар белән тулган. «Рәсми рәвештә киленебез булуын белән котлыйм! Бәхетле, тигез тормыш!», «Көннәрегез салават күпередәй булсыннар! Мәгънә белән тулсыннар!» — дип язганнар.
Шуңа өстәп, 25е туй көннәре булса, Искәндәр белән Рузиләнең 26 июнь көнне никахларына да бер ел булган. Яшь парны туй көннәре белән котлыйбыз!