"Күпләр ышанмый, фотошоп диләр". Тамчыгөл 2018 елда үзенең иң исендә калган вакыйга турында сөйләгән

Тамчыгөл 2018 елда иң истә калган вакыйга турында яза. "Үрмәкүч ятмәсенә эләккән энә карагын коткардым быел җәй. Озак кына канатларын пәрәвездән чистартып утырганда күзләренә игътибар иттем. Шаккаттым, гел кешенеке төсле ләбаса. Гаҗәеп күзләре белән минем хәтеремдә калды бу энә карагы. Интернетта энә караклары фотоларын эзләп карап та, мондый могҗизалы күзлеләрен тапмадым... Чыннан да, гаҗәеп дөнья. Купләр ышанмый, фотошоп диләр. Юк, дусларым, бу чын фото", - дип язган Тамчыгөл һәм энә карагының фотосын элгән.