Күп балалы ана балалар бакчасындагы концерт вакытында үлгән
32 яшьлек хатын чыгыш ясаганда егыла һәм җан бирә.
Омск өлкәсенең Тюкалинский районындагы авылларның берсендә 32 яшьлек Марина Б. вафат булган. Бу хатынның өч баласы ятим калган. Аларның иң кечесенә өч яшь. Марина кече баласының концертын карар өчен балалар бакчасына килгән һәм шунда җан биргән. Бу вакыйга турында «Новый Омск» сайты язды.
Марина әти-әниләр комитеты әгъзасы да була. Ул концертта котлау сүзләре белән чыгыш ясарга җыена. Ләкин хатын чыгышын тәмамларга өлгерми. Марина кисәк кенә егыла да үлә.
«Хатынның кисәк кенә хәле китте. Ул егылды һәм аңын югалтты. Табиблар аңа ярдәм итә алмады», диелгән әлеге хәбәрдә.
Башлангыч мәгълүматлар буенча, мәрхүмә хатын өзелгән тромб аркасында вафат булган.