«Көнләшүдән эчләренә сыя алмыйлар» - Алсу Әбелханованы усал әбиләр борчый
Татарстанның атказанган артисты Алсу Әбелханова усал әбиләрнең төртмәле сүзләреннән туйган.
«Лентамда усал әбиләр кайдан барлыкка килгән икән? Аларга миннән нәрсә кирәк? Җавапны белсәгез, языгыз әле, зинһар! Язылучыларымның күбесе әйбәт һәм позитив кешеләр бит! Әллә бу язның тәэсире микән?
Спорт белән шөгыльләнүем дә аларның ачуларын чыгара. Мин 20 ел спортта, ташларгамы инде? Тиздән аларның комментарийлары белән фотолар кертә башлармын», — дип язган җырчы.
«Алар һәркайда, Алсу! Усал әбиләрнең тормышларын бозучы син үзең генә түгел, без күп», — дип җавап биргән алып баручы Зәмирә Рәҗәпова.
«Олы ханымнар уңган, матур, булган яшьләрдән көнләшәләр инде. Андыйларга игътибар итмәскә», «Алсу, сез шундый чибәр, карчыклар сүзенә карамагыз!», «Көнләшүдән эчләренә сыя алмый ул әби-карчыклар», «Мин, олы яшьтәге хатын, һәрвакыт сезгә сокланып карыйм… Шуңа гына аптырыйм, ямьсез сүзләр язасыз олы кешеләр турында, кайда сезнең тәрбиягез?» — дип язганнар җырчының виртуаль дуслары.
