Көненә ничә адым йөрү гомерне озынайта?
Гомерне озынайту өчен ун мең адым йөрергә кирәкми.
Көненә уң мең адым атларга кирәк дигән популяр инану чынлыкта бернинди фәнни тикшеренү белән расланмаган. Бу турыда Майл.Здоровье хәбәр итте.
Галимнәрнең халыкара командасы ачыклаганча, адымнар саны кешенең яшенә бәйле. Тикшеренүдә планетаның дүрт континентында яшәүче 50 меңнән артык кеше катнашкан.
Тикшеренү нәтиҗәсендә ачыкланганча, көненә күбрәк адым атлаган саен, вакытыннан алданрак үлү куркынычы кими. Ләкин моның билгеле бер чиге бар.
60 яшьтән өлкәнрәк кешеләр өчен адымнарның оптималь саны 8 меңгә кадәр. Бу норманы арттыру файда китерми.
60 тан яшьрәк кешеләр өчен көненә 8-10 мең адым атларга кирәк.
Йөрү тизлеге әһәмияткә ия түгел, иң мөһиме — йөрергә кирәк, ди тикшеренүчеләр.