“Көндез мәчеттә идең, ә хәзер тамаша. Кеше көлдерәм дип артык кыланмыйсызмы?” – Данир Сабировны тәнкыйтьлиләр
Танылган юмор остасы, җырчы һәм пародист Инстаграм битендә Россиянең халык артисты Валерий Леонтьевка пародия ясап, видео урнаштырган.
“Ә урамда ап-ак кар ята,
Мин балконда шәп-шәрә торам.
Сикереп булмый – алтынчы этаж!
Качып утырам, мужигы кайткач.
Маргарита, ирең кайтмый дип, ты говорила!
Яңа елга өч көн калды, ведь ты не забыла”, - дип җырлый Данир Сабиров.
Кайбер язылучылар Данир Сабировның пародиясен ошатып бетермәгән: “Лучше Салават булып җырла”, “Көндез мәчеттә утыра идегез, ә менә хәзер шундый тамаша. Кеше көлдерәм дип артык кыланмыйсызмы? Көлке көлә килә, арттан куа килә диләр бит. Бары тик яхшы теләкләр генә сезгә. Бик ошаган иде көндезге эфир. Ә хәзер нәрсә инде бу?”, “Килешеп җитми Данир сиңа. Син үзең лучше шәп!”.
“Гафу итегез, мин сезнең өметләрегезне аклый алмадым. Эшлисе эшләр бар икән әле”, - дип җавап биргән Данир Сабиров.
Әмма Данирны хуплаучылар да бар: “Кылан, кылан, сиңа бик тә килешә, бик шәп!”, “Яңа ел кәефен безгә бүләк итәсез”, “Молодец, приколист, бомба!”, “Чирләп, температура белән ятам. Тамашаңны карагач, терелеп киттем. Рәхмәт сиңа, уңышлар үзеңә!”