Көнче ир урам уртасында хатынының сөяркәсенә пычак кадап үтергән
Бу ирнең хатыны урам уртасында сөяркәсе белән кочаклашып торган.
7 октябрьдә Уфаның Октябрь проспектында 34 яшьлек ир-ат мәетен тапканнар. Тикшерү комитетының Башкортстан буенча идарәсе «Үтерү» маддәсе буенча җинаять эше ачкан. Бу турыда «Башинформ» хәбәр итте.
Ведомствоның матбугат хезмәте мәгълүматы буенча, 38 яшьлек ир-ат хатынының сөяркәсе булуын белеп алган. 7 октябрьдә бу ир хатынын урамда сөяркәсе кочагында күреп ала. Шуннан соң ул хатыны белән сөяркәсе артыннан китә.
Билгеле бер мизгелдә көнче ир-ат сөяркә янына якын килә һәм аның күкрәгенә пычак белән бер тапкыр суга. Якында гына булган полиция хезмәткәрләре хатын-кыз кычкырган тавышны ишетеп ала. Алар пычак кадаган көнче ир-атны тиз арада тоткарлыйлар. Сөяркә ир исә яралы килеш урамның икенче ягына чыгып җитә. Тик шунда үлә.
«Үтерүдә шикләнелүче ир-ат моңа кадәр дә кеше үтергән өчен хөкем ителгән була. Ул 14 елга якын төрмәдә утырып чыга. Хәзер аның белән тикшерү эшләре бара», — дип сөйләгәннәр Тикшерү комитетында.
