Көнбагыш ашауның нинди зыяны бар?

Медицина фәннәре кандидаты, Мәскәү дәүләт университеты клиникасы эндокринологы Зөһрә Павлова көнбагыш ашауның куркыныч үзлекләрен әйтте. Көнбагыш ашаудан баш тарту өчен сәбәпләрне ул Телеграм-каналда язган. Бу турыда Лента.ру хәбәр итте.

Табиб сүзләренчә, көнбагыш орлыкларында майлы кислоталар, аеруча Омега-6 күп була. «Дәвалый торган Омега-3 тән аермалы буларак, Омега-6 организмдагы ялкынсынуларны көчәйтә, өстәвенә, әле ул беренче булып үзләштерелә», — ди Павлова.

Көнбагыш бик калорияле. Кыздырган көнбагышта картайта торган матдәләр була. 

Павлова көнбагышны «шакшы» ризык дип атый, аларда паразитларның күкәйләре булуын искәртә.

Көнбагыш тешләрне боза. «Стоматологлар көнбагыш чирттерергә яратучыларны тештәге ярыкларга карап аңлый. Бу вак ярыклар гына түгел, бөтен теш буена сузылган ярыклар була», — ди табиб.

Эндокринолог Татьяна Бочарова көнбагыш орлыкларында майлар күп булуын, алар ашказаны җәрәхәте яки гастритны көчәйтүен сөйләгән иде. «Көнбагыштан аппендицит була дигән сүз — миф», — дип өстәде ул.