Күмертауда бер ир-ат машинасыннан Кыш Бабай чанасы ясаган — видео
Кәефне күтәргән өчен, шәһәр халкы машина хуҗасына рәхмәт әйтә.
Башкортстанның Күмертау шәһәрендә яшәүче ир-ат үз автомобиленнән Кыш Бабай чанасы ясаган. Машинага ике болан җигелгән. Әлеге кадрларны Башкорстанның «Вести» каналы күрсәтте.
Видео социаль челтәрләрдә таралган булган. Автомобиль «тәгәрмәчле бәйрәм», хуҗасы каты итеп музыка уйната, Яңа ел кәефен күтәрә, диелә хәбәрдә.
Интернет кулланучылар да мондый тюнингны ошаткан. Машина хуҗасына рәхмәт әйтәләр.