«Көлкеме, кызганычмы?» — Айдар Юныс ике башлы ташбака күрсәтте
Җырчы инстаграмга интернеттан алып видео урнаштырган.
Җырчы Айдар Юныс инстаграмга сиам ташбакасы куйган. «Бер бишектә ике сабый, берсе — кояш, берсе — ай» дигән җырга салмак кына йөзүче ике башлы ташбака инстачыларны шаккаттырган. Күбесе аны Айдар Юнысның үз ташбакасы дип уйлаган. Җырчы видеоның интернет киңлекләреннән алынуы турында әйтә.
«Юнысовлар игезәк булгач, ташбакасы да игезек булган», «Бу нәрсә?», «Игезәкләр», — дип язалар. «Бер-берсеннән аерылып җитмәгәндә шулай була. Кызганыч, бу көлке түгел», — дип язган бер инстачы.
Интернетта ташбаканың ике башлы булып туу эмбрионнның дөрес үсеш алмавы нәтиҗәсендә килеп чыга дип язылган. Табигатьтә андый ташбакалар үлемгә дучар була, иректә булмасалар бик озак яши ала, хәтта үрчергә дә сәләтле икән.