"Күңел унҗидедә, йөрәк унсигездә!" - Зәйнәб Фәрхетдинова яшьләр белән бергәләп дискотекада бии - видео

Татарстанның халык артисты Зәйнәб Фәрхетдинова Уфада яшәп иҗат итүче Зифа Нагаева көе һәм сүзләренә язылган "Күңел унҗидедә" дигән җырына клип төшерә. Клипның бер мизгеле Зәйнәб ханымның яшьләр булган дискотекага килеп керүе һәм аларга кушылып үзе дә бии башлаганын чагылдыра. Клипны төшерү процессында Зәйнәб ханымның яшьләр белән бергәләп кушылып биюен төшереп алганнар.