Көчле җил мәктәп түбәсен куптарган
Давыл вакытында мәктәптә бер кеше дә булмаган.
28 сентябрьдә Башкортстанның Нуриман районындагы Яңа Субай авылында көчле җил мәктәп түбәсен куптарган. Бу турыда Башкортстан буенча Гадәттән тыш хәлләр министрлыгы хәбәр итте.
Мәктәпнең мәйданы 300 кв.м. Бина түбәсенең 100 кв.метрын җил куптарган. Бу вакытта Нуриман районында җил тизлеге секундына 14 метрга кадәр җиткән булган.
Давыл вакытында мәктәптә бер кеше дә булмаган. Һәлак булучылар һәм имгәнүчеләр юк.
«29 сентябрьдә көндезге 11 гә түбәне төзәтеп бетергәннәр. Әлеге вакыйга мәктәптәге уку процессына йогынты ясамаячак», диелгән бу хәбәрдә.
