Израиль Иранның үзәк өлешенә һөҗүм иткән. Исфахан шәһәре аэропорты тирәсендә һәм армиянең хәрби-һава көчләре базаларының берсендә шартлау булган. Бу хакта «SHOT» Телеграм-каналы яза.
Иран «Израильнең барлык атом-төш объектлары дислокациясен» ачыклады һәм, Тель-Авив агрессия күрсәткән очракта, теләсә кайсы мизгелдә Иран аларга һөҗүм итәргә әзер, дип хәбәр иткән иде Ислам революциясе вәкилләре корпусы.
Якынча мәгълүматлар буенча, бу һөҗүм Израильгә ясалган массакүләм һөҗүмгә һәм 14 апрельдәге «Правдивое обещание» операциясенә җавап булган.
Исфахан провинциясенең атом-төш объектларына куркыныч янамый. Илдә Тегеран, Исфахан һәм Шираз өстеннән авиарейслар вакытлыча туктатылган.