Изоляция вакытында балаларны урамга алып чыгарга ярыймы?
Коронавирус пандемиясе булу сәбәпле, дөнья халкы үз-үзеңне изоляцияләү режимында яши.
Татарстан Президентының матбугат хезмәте җитәкчесе Лилия Галимова балалар белән саф һавага чыгып йөрергә ярый дигән. Бу турыда «Челнинские известия» хәбәр итте.
Иң төп шарт — ишегалды тирәсеннән китмәскә. Лилия Галимова брифинг вакытында журналистлар белән аралашканда шул хакта әйткән.
«Әниләр балаларын урамга алып чыга, бу беркайчан да тыелмады. Кешеләр этләрен урамга алып чыга, кибеткә баралар, чүп чыгаралар. Ишегалды периметрында бу тыелмый. Балага да саф һава кирәк», — дип аңлаткан Лилия Галимова.
Татарстан изоляциядән акрынлап чыгу планын әзерләячәк. Санитар-эпидемиологик хәлгә карап, һәр төбәк үз планын төзи. Бу турыда «Татар-информ» хәбәр итте.